NA STEPHANO
MANGO,SONGEA
WANACHAMA wa
Chama cha Mapinduzi wametakiwa kujitokeza kwa wingi kuwadhamini makada
waliotangaza nia ya kuutaka urais wasio na chembe chembe za rushwa wala ufisadi
ili kuweza kuwapata viongozi wazuri wanaotokana na chama hicho
Wito huo
umetolewa jana kwenye ukumbi wa ccm mkoa wa Ruvuma na Balozi Dkt Agustino
Mahiga wakati alipokuwa akiongea na wanachama wa ccm waliofika kumdhamini
katika safari yake ya kinyanganyiro cha urais
Dkt Mahiga
alisema kuwa akifanikiwa kupata Urais Serikali yake itapambana kikamifu na
maradhi yariyokithiri ya rushwa na
ufisadi uliosababisha umasikini na baadhi ya wahisani kuthitisha misaada ambayo
ilikuwa ni ya maendeleo kwa watanzania
Alisema kuwa
wahisani wamekuwa wakimlalamikia sana kwa kuja Tanzania kuwekeza katika miradi
mbalimbali lakini wamekuwa wakikutana na changamoto nyingi ikiwemo rushwa na
ufisadi kutoka kwa baadhi ya viongozi wa idara na taasisi za serikali hali
ambayo imewafanya wahisani hao kusitisha malengo yao
Alisema
anashangaa sana kuwa baadhi ya walioharibu heshima ya nchini na mwelekeo wa
kiuchumi nao wamechukua fomu ya kugombea nafasi ya uteuzi wa urais na kuwafanya
watanzania wachanganyikiwe
Alisema kuwa
mara baada ya kupata nafasi ya urais hatahakikisha anawashughulikia kikamilifu wala rushwa na wabadhilifu ili heshima ya nchi
irudi kama alivyopiacha muasisi wa Taifa la Tanzania Mwalimu Julius Nyerere
“kuna mambo
mengi sana ambayo nitayafanya mara baada ya kuteuliwa na vikao vyangu vya
chama kwa kufuata ilani ya ccm ili
kuwaletea wananchi maendeleo ila kwa leo nawashukuru kwa kuniambini na kwa kuja
kwenu kunidhamini”alisema Dkt Mahiga
Chapisha Maoni