USAID YAIPATIA MSAADA WA GARI YA MAFUNZO VETA SONGEA

Wanachuo wa Veta ya Chang'ombe kilichopo Jijini Dar Es Salaam wakiwa kwenye mafunzo halisi ya ufundi magari

 Mkuu wa Chuo cha Veta Songea kushoto Gideon Ole Nairumbe akiwa na mwenyeji wake kwenye viwanja vya Chuo cha Veta

Wanachuo wa chuo cha Veta wakiwapokea wakufunzi na wageni mbalimbali ambao hawapo pichani kwenye viwanja vya chuo cha chang'ombe

Viongozi wa vyuo vya Veta wakiwa kwenye picha ya pamoja mara baada ya kukabidhiwa magari mawili kwa ajiri ya chuo cha Veta Songea na Veta Chang'ombe kutoka USAID,waliokaa kutoka kushoto niMkuu wa Chuo cha Veta Songea Gideon Nairumbe

Gari ambalo lim,etolewa na USAID kwa ajiri ya mradi wa mafunzo kwa watoto wanaoishi mazingira magumu

Viongozi mbalimbali wa Veta wakibadilishana mawazo mara baada ya hafla ya kukabidhiwa magari kutoka kwa mfadhiri  watatu kutoka kushoto ni Mkuu wa Chuo cha Veta Songea Gideon Nairumbe

NA STEPHANO MANGO,SONGEA

WANAFUNZI wa kozi ya ufundi magari na udereva katika chuo cha Mafunzo ya ufundi stadi Veta Songea wametakiwa kuvitunza vitu vyao vya kujifunzia ili viweze kuwasaidia katika upatikanaji wa mafunzo na kuviacha salama ili viweze kuwasaidia na wanafunzi wengine

 

Wito huo umetolewa jana kwenye viwanja vya Veta mjini hapa na Mkurugenzi wa International Youth Foundation(IYS) Saraha Shebehe wakati wa hafla fupi ya kukabidhi magari mawili kwa ajiri ya chuo cha Veta cha Chang’ombe na Songea yenye thamani ya zaidi ya milioni 250 

Shebehe alisema kuwa mradi wa kutoa kozi fupi kwa watoto wanaoishi katika mazingira magumu kwenye vyuo hivyo Tanzania Youth Scholars unafadhiriwa na shirika la misaada la Marekani(USAID) kupitia  shirika la IYF unalengo la kuwakomboa vijana wenye mazingira magumu

Alisema kuwa lengo la kutoa msaada wa magari hayo ni kuwawezesha Veta ambao ndio wadau wakubwa wa utoaji wa mafunzo ya elimu ya ufundi kufundisha vijana wengi zaidi ili waweze kujiajiri au kuajiriwa kwenye soko la ajira baada ya kuhitimu mafunzo yao

Akizungumza katika hafla hiyo Mkuu wa chuo cha Veta Songea Gidion Nairumbe alisema kuwa mwanzoni mwa mwezi April mwaka 2014 chuo cha Veta Songea kikishirikiana na Ofisi ya Veta kanda ya Nyanda za Juu kilitoa wazo la kuwasaidia watoto wanaoishi katika mazingira magumu kupata elimu ya mafunzo ya ufundi stadi katika kozi fupi

Nairumbe alisema hadi sasa mafunzo hayo yametolewa kwa awamu moja na awamu ya pili yanaendelea na wanufaika ni kutoka wilaya ya Songea vijijini na mitaa iliyopo pembezoni mwa Manispaa ya Songea

Alisema katika mradi huo wanafunzi hao wameweza kupata mafunzo yatakayowasaidia kujiajiri,kupata mafunzo ya ujasiliamali na kuunda vikundi vya ujasiliamali na kupatiwa vifaa vya kufanyia shughuli za ujasiliamali kulingana na fani walizosomea

MWISHO