NA STEPHANO MANGO,SONGEA
JESHI la Polisi mkoani Ruvuma limemtia mbaroni Rajabu Mbunda(30) mkazi wa kijiji cha Mkumbi wilaya ya Mbinga kwa tuhuma za kukutwa akiwa ndani ya banda la Mbuzi huku akifanya mapenzi na Mbuzi jike.
Akizungumza na gazeti hili jana mchana Ofisini kwake kaimu kamanda wa polisi wa mkoa wa Ruvuma Revocatus Malimi alisema kuwa tukio hilo limetokea januari 18 mwaka huu majira ya saa sita na nusu usiku huko katika kijiji cha Mkumbi kilichopo kata ya Mhukulu wilayani Songea.
Kamanda Malimi alisema kuwa inadaiwa siku hiyo ya tukio Mbunda alikutwa akiwa ndani ya banda la mbuzi linalomilikiwa na Twaini Mbele(45) mkazi wa kijiji hicho.
Alifafanua zaidi kuwa inadaiwa siku hiyo hiyo kabla ya tukio mtuhumiwa mbunda alikuwa amekwenda kwenye nyumba hiyo kwa ajili ya kunywa pombe kwa kuwa kwenye nyumba hiyo kuna klabu cha pombe za kienyeji ambapo alipomaliza kunywa aliaga kuwa anaondoka na kuacha watu wengine wakiendelea kunywa pombe akiwemo na mmiliki wa nyumba hiyo ambaye alikuwa anaendelea kuwauzia kinywaji.
Alifafanua zaidi kuwa inadaiwa mtuhumiwa Mbunda baada ya kuondoka kwenye kilabu hicho alielekea kwenye banda la mbuzi ambako baadaye alikutwa na mpita njia akifanya mapenzi na mbuzi huyo
Alieleza zaidi kuwa mpta njia huyo ambaye jina lake limehifadhiwa wakati akipita kwenye eneo hilo la tukio alisikia mbuzi wakipiga kelele na alipowamulika kwa kutumia tochi alimuona mbunda akiwa ndani ya banda hilo huku akiwa amemshika mbuzi na akiendelea kufanya mapenzi, shuhuda huyo alikimbia hadi kwenye klabu na kuwaarifu watu waliokuwepo kwenye eneo hilo na baadaye walilazimika kuongozana naye kwenda na kumkuta mbunda akiendelea kufanya mapenzi na huyo mbuzi.
Alisema kuwa baadaye watu waliokuwa kwenye eneo hilo la tukio akiwepo na mmiliki wa mbuzi huyo walifanikiwa kutoa taarifa kwa uongozi wa kijiji hicho, ambapo walifanikiwa kumkamata na kumfungia katika ofisi ya Kijiji na baadaye walimpeleka kituo cha Polisi kwenye kijiji cha Magagula ambao walikamchukua maelezo ya awali na kumweka mahabusu.
Alisema uchunguzi wa awali wa polisi umebaini kuwa mtuhumiwa Mbunda ni mkazi wa kijiji cha Mkumbi wilayani Mbinga ambaye inadaiwa alikuwa amekwenda kwenye kijiji hicho oktoba mwaka jana kwa lengo la kutafuta vibarua vya kulima na kwamba muda wowote kuanzia sasa mtuhumiwa atafikishwa mahakamani baada ya upelelezi wa tukio hilo kukamilika.
MWISHO
Chapisha Maoni