NA STEPHANO MANGO,SONGEA
MKUU wa wilaya ya Songea Benson Mpesya amekana kuwepo
kwa shule ili Yenye wanafunzi 900ambao wanadaiwa kutelekezwa na serikali katika wilaya yake kama ilivyoripotiwa
na gazeti moja la kila siku la Uhuru na badala yake kuna mkondo wa shule ambao una darasa moja
lililoanzishwa na wazazi wa watoto hao kinyume na sheria kwa lengo la kusaidia watoto wao kupata elimu .
Akizungumza na
waandishi wa habari ofisini kwake jana Mpesya alisema mara baada ya kutolewa kwa
taarifa hizo alilazimika kwenda eneo la Ngunguti kijiji cha Mhukuru kujionea
mwenyewe hali halisi ambapo alikuta watoto 30 ndio wanaosoma katika
mkondo ambapo kuna darasa moja
lililoezekwa ambalo lilijengwa
kwa nguvu ya
wazazi ambao wameonyesha kiu ya watoto wao kupata elimu na walipata
msaada wa bati 102 toka kwa Mbunge wa jimbo hilo Jenista Mhagama na
darasa jingine bado
halijahezekwa.
Alisema, kitongoji cha Lizabon B hakina shule iliyosajiliwa
yenye watoto 900 badala yake kuna shule
ya msingi Matama ambayo imesajiliwa kisheria na hao watoto 30
walitakiwa kwenda kusoma huko lakini kutokana na umbali wazazi hao wameanzisha
mkondo huo ili watoto wao nao waweze kusoma na tayari Serikali iliagiza uongozi wa
kijiji na kata ya
Mhukuru kupeleka miutasali ya kuomba kusajili shule hiyo kwa kufata
taratibu na sheria ili shule hiyo iweze kusajiliwa rasmi na kupelekewa
walimu tofauti na sasa ambapo kumezuka
madai kuwepo kwa watoto waliotelekezwa jambo ambalo halina ukweli .
Aidha, amewataka waandishi wa habari kuacha kuandika habari
zisizo na ukweli na badala yake wafate maadili ya kazi zao na kuandika habari
zenye ukweli kwani lengo la serikali ni kuisaidia jamii na kutoa huduma za
msingi kwa wananchi wote ilikuleta maendeleo.
Hata hivyo timu ya waandishi wa habari ililazimika kusafiri
umbali wa km 65 toka wilaya ya Songea hadi kijiji cha Mhukuru
kitongoji cha Lizabon B shuleni
hapo ambapo Mwenyekiti wa kitongoji cha
Lizabon B kijiji cha Mhukuru kata ya
Mhukuru Pius Komba amekiri kuwa idadi ya
watoto katika kitongoji chake ni 30 ingawa
wanatarajia kupata watoto wengine toka vitongoji vitatu vilivyopo kwenye kata hiyo kama
walivyoelekezwa na diwani wao .
Aliongeza kuwa, wananchi wanahamu ya kupata shule katika
eneo hilo kutokana na shule iliyopo ya Matama kuwa umbali mrefu hivyo watahakikisha wanafata
taratibu na seheria kama
walivyoelekezwa Iili shule hiyo iweze kusajiliwa kisheria na kupelekewa walimu
.
“Ukweli hawali tulianzisha shule hii mwaka 2012 na ilikuwa
na watoto wengi lakini siyo 900 ila ninasikia sikia kuwa Diwani wetu anasema
amefatilia vitongoji vingine vitatu ndio watoto wanafika 900 ila sina uhakika
yteye mwenyewe ndiye anayefahamu ila hapa tangu
mwalimu afike jana na kuwaorodhesha wamefika 30 ,alisema Mwenyekiti huyo
Akizungumza jana Mmoja wa wanafunzi wanaosoma katika mkondo wa shule ya Msingi mtama
iliyobatizwa jina la Nguguti Marus
Hyella (12) alisema pamoja na kuwa wanapenda masomo lakini bado mazingira ya
shule hiyo ni mabaya hakuna choo wala walimu wa kutosha hivyo amewaomba wazazi
wakae na viongozi na kufata utaratibu ili nao wapate haki ya kupata elimu.
Kwa upande wake Mwalimu ambaye anajitolea kuwafundisha
wanafunzi hao Christina Komba alisema bado mazingira ambayo wanajifunzia watoto
hao si mazuri kwani hakuna vitendea kazi , wala ubao wa kufundishia pia watoto hawana viatu wala sare za shule na
vitabu pamoja na daftari za kujifunzia hivyo analazimika kuwaandikia chini ya
ardhi.
Alisema, hata idadi ya watoto hao inahitaji kugawanishwa
katika mikondo miwili kwani wapo watoto wakubwa ambao wanauelewa wa haraka na
watoto wadogo ambao wanahitaji kufundishwa
kwa aumakini hivyo walimu zaidi
wanahitajika kwani yeye pamoja na kujitolea kuwafundisha hana mbinu za kiualimu
kwani hajasomea bali anatumia ujuzi tu.
Chapisha Maoni