WATAKIWA KUUZA KONDOMU KAMA BIDHAA NYINGINE

Na Gideon Mwakanosya Songea.
 
Wafanyabiashara wa  maduka ya Famasi na bidhaa za kawaida wameshauriwa kuacha tabia za kusonya , kutukana na kutema mate pindi wanaposhauriwa kuuza bidhaa za kondomu katika maduka yao ili waweze kuiokoa jamii ya Wananchi wa songea kuambukizwa magonjwa ya ngono, ukimwi pamoja na kupata mimba zisizotarajiwa.

Ushauri huo umetolewa jana na Afisa mauzo wa shirika lisilo la kiserikali la PSI Tanzania mkoa wa Njombe na Ruvuma Kinyumbi Kinyumbi wakati wa hafla ya chakula cha jioni kwa wadau na wasambazaji ,wauzaji wa bidhaa ya kondomu  iliyofanyika kwenye ukumbi wa VETA Manispaa ya songea kwa lengo la kujadili usambazaji wa bidhaa za afya.

Alisema, baadhi ya wafanyabiashara  bado hawajajua umuhimu wa kondomu kama bidhaa inayotakiwa kuwekwa na kuuzwa katika sehemu zao za biashara kutokana na imani za kidini na mitazamo hasi .Kuna baadhi wanatema mate wengine wanasonya pindi tukipita katika biashara zao kuwashawishi wanunue kondomu .

Alisema, Jumla ya kondomu 1,512,000 zimeuzwa  kwa kuanzia January hadi December 2015 kupitia wakala wa mkoa waliopo Songea  Eje storena Seven Pharmacy ambapo lengo lilikua  kusambaza kondomu  5,279,904  ambapo tulifanikiwa kama Mkoa  wa Ruvuma kusambaza kondomu  3,372,624 na kufikia  63.87% ya malengo
Mchango wa wakala wa Mkoa waliopo Songea kwa mwaka jana ni 44.8% ya kondomu zote zilizosa mbazwa kwa mkoa wa Ruvuma
“Bado Jamii  bado haijaweza kuelewa vizuri kuwa salama kondomu ni bidhaa ya afya ambayo inawakinga kwa magonjwa ya ngono kama Ukimwi na magonjwa mengine ya zinaa pamoja na uzazi wa mpango kama ikitumika sawasawa.na kwamba inapatikana dukani kama bidhaa nyingine kama chumvi ,sabuni na kiberiti,alisema Kinyumbi

Kwa upande wake Mratibu wa Mradi wa  PSI  mkoa wa Ruvuma na Njombe Wilfred Mkungilwa  Alifafanua kuwa, PSI kama mdau katika usambazaji wa kondomu ina lengo la kuikinga jamii dhidi ya hatari ya maambukizi mapya ya Ukimwi na magonjwa  ya zinaa lakini kwa upande mwingine wafanyabiahsra wanaweza kutumia fursa ya kuuza salama kondomu kujiongezea mtaji kupitia faida inayopatikana kwa mfano;Boksi ndogo(Dispensa) ya salama Kondomu inayouzwa Tsh 5,500/= ikiwa na pakti 24 kwa kuuza tsh 500/= kwa pakiti inaweza kutengeza  Tsh  12,000/= hivyo kuwa na faida ya Tsh 6,500 ukitoa bei ya kununulia Kuhakikisha Salama kondomu zinapatikana kwa wakala na maduka ya jumla  na maduka ya rejareja  mijini  na vijijini kwa mujibu wa bei elekezi mfano pakiti kwa Tsh 500/=

Alisema ,jitihada zingine ni Kutoa elimu kwa jamii kuhusu matumizi sahihi ya salama kondomu mfano  kwenye bar mwezi wa pili na Sinema mwezi wane ili kuongeza wigo wa maduka ya jumla na rejareja kwa kuendelea kuwashawishi wafanyabiashara waweke salama kondomu kama bidhaa ya kuuzwa kwenye sehemu zao za biashara
“Kuanzia January hadi  mwezi Mei   jumla ya kondomu 496,800 zimesambazwa kupitia wakala Seven Pharmacy na Oden Store .Kiwango hiki ni kidogo hasa kuzingatia uhitaji wa kondomu kuilinda jamii ya Songea na meaneo ya jirani. “alisema Mkungilwa
Meya Manispaa ya Songea Abdul Shaweji aliwataka wafanyabiashara  kuchangia juhudi za serikali za kuhakikisha kwamba bidhaa bora za afya zinapatikana kwa urahisi na kwa wakati  wanasongea  kwa kushirikiana na taasisi zisizo za kiserikali kama PSI Tanzania, ili tuweze kupunguza maambukizi ya magonjwa kama ukimwi, magonjwa yatokanayo na maji yasiyo salama na malaria.

Aidha, Meya huyo amewapongeza wafanyabiashara hao na amewashukuru kwa mshikamano wanaouonyesha kwa kufika na kukubali kuyatekeleza haya tuliyoongea ili  kuiokoa jamii  inayotuzunguka katika Halmashauri ya Manispaa Songea.
Mwisho.