NA STEPHANO MANGO,SONGEA
MWALIMU wa Shule ya Msingi Peramiho Wilaya ya Songea Mkoa wa Ruvuma Baraka Mwakajila (29)amekutwa amefariki dunia baada ya kujinyonga kwa kutumia shati ndani ya nyumba ya walimu ambayo alikuwa akiishi
Akizungumza na gazeti hili jana ofisini kwake Kaimu Kamanda wa Polisi Mkoa wa Ruvuma Revocatus Malimi alisema kuwa tukio hilo limetokea jana majira ya saa 6 mchana huko katika mji mdogo wa Peramiho nje kidogo ya Manispaa ya Songea
Malimi alisema kuwa inadaiwa siku hiyo ya tukio Mwalimu Mkuu Msaidizi Rashid Pilly ndiye aliyegundua kujinyonga kwa Mwalimu Mwakajila baada ya kupita eneo la Nyumba aliyekuwa anaishi Mwakajila kuona nzi wengi wametapakaa kwenye eneo la dirisha la chumba alichokuwa analala marehemu
Alifafanua zaidi kuwa Mwalimu Pilly baada ya kuona hali hiyo alisogea hadi mlangoni na kukutwa mlango ukiwa umefungwa huku eneo hilo likiwa na harufu kali ambayo inaashiria kuna kitu ambacho kimeoza
Alisema kuwa baadaye Mwalimu Pilly alilazimika kwenda kutoa taarifa kwenye kituo kidogo cha Polisi kilichopo Peramiho na baadae Askari Polisi wakiwa wameongozana na Mganga walifika eneo la tukio kasha walivunja mlango na kuingia ndani ya nyumba hiyo ambako walimkuta Mwalimu Mwakajila akiwa tayari ameshakufa muda mrefu baada ya kujinyonga
Alieleza kuwa Mwakajila alijinyonga ndani ya nyumba aliyokuwa akiishi ambayo ni mali ya shule hiyo na ipo kwenye eneo la Shule hiyo na Askari Polisi walikuta barua chini ya sehemu aliyojinyongea iliyokuwa imeandikwa Januari 4 mwaka huu na mwanamke ambaye anadaiwa kuwa ni mpenzi wake(Ferigo Njovu) ambaye jina lake limehifadhiwa ya kumtaka Mwakajila aachane naye na aendelee na maisha yake
Malimi ambaye pia ni Afisa Upelelezi wa Makosa ya Jinai Mkoa wa Ruvuma alisema kuwa Askari Polisi baada ya kuiona na kuisoma waliendelea kuufanyia upekuzi mwili wa marehemu na kukuta pia karatasi kwenye mfuko wa suruali yake aliyekuwa ameiandika Mwakajila Januari 2 mwaka huu akimtuhumu mpenzi wake(Ferego) ambaye jina lake limehifadhiwa kuwa amekuwa Malaya na mlevi
Alifafanua Polisi inaendelea na uchunguzi zaidi kuhusiana na tukio hilo na mwili wa marehemu umekabidhiwa kwa ndugu wa marehemu kwa ajiri ya taratibu za mazishi
MWISHO
Chapisha Maoni